बुद्धशरण शाही
आकाश भैरव आजु द्य : बंघ ( चाँदीको गाग्रो ) सहित स्थापित इन्द्रचोकको आकाश भैरव आजुद्योलाई नेपालका प्रथम किराँती राजा यलम्वरको टाउको मानी पुज्ने परम्परा छ । यलम्बर चोक पनि भनिन इन्द्रचोकमा स्थापित आकाश भैरवबारे एक प्रसिद्ध आख्यान छ । कुरूक्षेत्रको महाभारत युद्धमा कौरव र पाण्डवमध्ये जो कमजोर हुन्छ ,, उसैको पक्षमा लडिदिने निधो गरी यलम्बर नेपालको प्रतिनिधित्व गर्दै हिन्दुस्तान पुगे । जस्तोसुकै युद्धमा पनि नहार्ने यलम्बर जो हार्छ उसको पक्षमा लडिदिए महाभारत युद्ध कहिल्यै अन्त्य नहुने कुरा थाहा पाई बाठा कृष्णले यलम्बरलाई जालझेलमा पारी टाउको काटिदिएछन् । आफ्ना राजाको दुर्गतिबाट दुःखी किराँतीहरूले इन्द्रचोकमा तीनतले नेपाली घरशैलीको मन्दिर निर्माण गराई यलम्बरको टाउको प्रतिष्ठापित गराएको मान्यता छ । ने.सं. ६६८ को अभिलेख प्राप्त आकाशभैरव , ने.सं .४ र १०५४ मा जीर्णोद्वार भएको ज्ञात हुन्छ । स्थानीय ज्यापूहरू आफूलाई किराँत भन्दछन् ।
इन्द्रचोक र तीन महादेव मन्दिर : आकाश भैरवलाई केन्द्रविन्दु पारी इन्द्रचोकको इराकी ( राखी ) बजारमा शिखरशैलीको राखी महादेव ( ने.सं. ८८८ तिर ने.सं. ९ ५३ अभिलेख सहित ) शिवसहितको ब्रम्हा मन्दिर भेंडासिंहतिर ठडिएको चारमुखे महादेव तीनवटा प्रख्यात महादेवको मन्दिर रहेको छ ।
नेपाल मण्डल सम्पदा बात
