काठमाडौँ । इङ्ग्लिस प्रिमियर लिग फुटबलमा म्यानचेस्टर युनाइटेड र एभर्टनले बराबरी गोल गरेका छन् । गएराति भएको खेलमा युनाइटेडलाई बराबरीमा रोकेसँगै एभर्टन छैठौं स्थानमा उक्लिएको छ ।
दोस्रो स्थानमा रहेको म्यानचेस्टर युनाइटेडसँग ३–३ गोलको बराबरी खेल्दै एभर्टन छैठौं स्थानमा उक्लिएको हो । यस्तै एस्टोन भिल्ला आठौँ स्थानमा उक्लिएको छ ।
समाचार एजेन्सीहरुका अनुसार त्यसैगरी गएराति भएको खेलमा आर्सनललाई १–० गोल अन्तरले पराजित गर्दै एस्टोन भिल्ला आठौँ स्थानमा उक्लिएको हो । गएराति भएको अर्को खेलमा बर्नली र ब्राइजटोनले १–१ गोलको बराबरी खेलेका छन् भने फुलह्याम र वेष्ट ह्यामबीचको खेलमा दुवै समूहले गोल गर्न सकेनन् ।
अतिरिक्त समयमा पनि यी दुई समूहबीचको खेल गोलरहित बराबरीमा सकिएको हो । यस्तै न्युक्यासल युनाइटेडले साउथ ह्याम्टनलाई ३–२ गोल अन्तरले पराजित गरेको छ । जारी लिगमा म्यानचेस्टर सिटी ४७ अङ्कसहित शीर्ष स्थानमा रहेको छ ।
