धनगढी । नेपाल कम्युष्टि पार्टी (नेकपा) सुदूरपश्चिम प्रदेश संसदीय दलका सचेतक अक्कलबहादुर रावलमाथि लगाएको आरोप झुट सावित भएको छ । रावलमाथि लगाएको आरोप झुट भएको प्रमाण भएपछि बुधबार जिल्ला अदालत कैलालीले सफाइ दिएको हो ।
(नेकपा) का प्रखर वक्ता समेत रहेका सचेतक रावलमाथि गत माघमा जवरजस्ती करणी मुद्धा लगाएर फसाउन खोजिएको थियो । जिल्ला अदालत कैलालीको १ नम्बरको इजलास रावललाइ सफाइ दिएको छ ।
अछामको क्षेत्र नम्बर २ क्षेत्रको प्रदेशसभा क बाट निर्वाचित रावललाई फसाउने नियतले एक महिलालाई प्रयोग गरी जबरजस्ती करणकी मुद्दा हाल्न लगाइएको थियो । ती महिलाले सांसद रावलले आफूमाथि जबरजस्ती करणको कुनै प्रयास नगरेको भन्ने बयन दिएकी थिइन् ।
अदालतले सफाइ दिएसँगै रावल मन्त्री बन्ने चर्चा चलेको छ । आजै मात्र आर्थिक मामिला तथा योजनामन्त्री झपट बोहराले राजिनामा दिएका छन् । उनी पनि अछामबाटै प्रदेशसभामा निर्वाचित भएका थिए ।
(नेकपा) को विभाजनपछि मुख्यमन्त्री त्रिलोचन भट्ट प्रचण्ड-नेपाल समूहतिर लागेका छन् । ओली समूहतिर लागेका मन्त्रीले राजिनामा दिएका छन् ।
