News Portal

  • नेकपाको ७ औं पार्टी पुनर्गठन दिवसः सिंहदरबारको आकाशमा झण्डा-व्यानर बोकेका ‍बेलुन

    डबली संवाददाता२०७७ मंसिर ८ गते
    २८१ पटक

    काठमाडौँ । नेपाल कम्युनिस्ट पार्टीले देशव्यापी रुपमा पार्टीको ७ औं पुनर्गठन दिवस मनाएको छ । नेकपा काठमाडौँले कडा सुरक्षाबीच सातौं पुनर्गठन दिवस मनाएको छ ।

    देशको प्रशासनिक केन्द्र सिंहदरबारको आकाशमा नेकपाको ब्यानरसहित बेलुन उडेका थिए । ‘७ औं पार्टी पुनर्गठन दिवस भव्य रुपमा मनाऔं’ लेखिएका राजधानीको व्यानर र झण्डासहित बेलुन उडाइएका थिए ।

    सरकारले नेकपाका कुनै पनि गतिविधि हुन नदिने भन्दै राजधानीमा व्यापक सुरक्षाकर्मी परिचालन गरेको छ । तर, नेकपाले काठमाडौँका विभिन्न स्थानबाट बेलुन उडाउनुको साथै रक्तादान गरेको छ ।

    काठमाडौँको दक्षिणकाली, टोखा, नागर्जुन, चन्द्रगिरीलगायतका क्षेत्रबाट पनि बेलुन उडाइएको नेकपाले काठमाडौँले जनाएको छ ।

    त्यसैगरी पार्टी पुनर्गठन दिवसको अबसरमा नेकपा काठमाडौँले रक्तदानको आयोजना समेत गरेको छ । पार्टीको जिल्ला सेक्रेटरी पवनले रगत दिएर उद्घाटन गरिएको उक्तदानमा करिब एक नेता कार्यकर्ताले रगत दिएका थिए । महामारीले रगत अभाग भएकोले रक्तादान गरेको नेकपाले जनाएको छ ।

    प्रतिकृया दिनुहोस्