News Portal

  • देशभरको मौसम बदलीः पश्चिम क्षेत्रमा वर्षा, हेमाली क्षेत्रमा हिमपात

    डबली संवाददाता२०७७ मंसिर १ गते
    ३८९ पटक

    काठमाडौं । आज देशभरको मौसम बदली भइरहेको छ । जल तथा मौसम विज्ञान विभाग, मौसम पूर्वानुमान महाशाखाले देशका केही स्थानमा हल्का वर्षा र हिमपात हुने अनुमान गरेको थियो ।

    पश्चिम नेपालका केही स्थानमा हल्का वर्षा भइरहेको छ । सुदूरपश्चिम प्रदेश, कर्णाली प्रदेश क्षेत्रका केही स्थानमा वर्षा भइरहेको छ भने अन्य ठाउँमा पनि मौसम बदली भइरहेको छ । उता पूर्वी नेपालका केही स्थानामा सामान्य बदली भएको छ भने धेरै स्थानमा मौसम सफा रहेको छ ।

    सुदूरपश्चिम, कर्णाली, लुम्बिनी प्रदेशका हिमाली क्षेत्रमा हिमपात भइरहेको छ । त्यसैगरी गण्डकी र बागमती प्रदेशका केहि स्थानमा मेघ गर्जन र चट्याङसहित हल्का बर्षाको सम्भावना रहेको महाशाखाले जनाएको छ ।

    महाशाखाका अनुसार सोमबार राति देशभर आंशिक देखि सामान्य बदली रहि सुदूरपश्चिम र कर्णाली प्रदेशको १/२ स्थानहरु लगायत गण्डकी, बागमती र प्रदेश १ का थोरै स्थानमा हल्का बर्षाको सम्भावना छ । साथै, देशको उच्च पहाडी तथा हिमाली भूभागका थोरै स्थानहरुमा हल्का हिमपातको सम्भावना रहेको छ ।

    प्रतिकृया दिनुहोस्