News Portal

अधिवक्ता ढकाललाई जेठ २५ गते उपस्थित गराउन सर्वोच्च अदालतको आदेश

डबली संवाददाता२०७७ जेठ २३ गते
१२६ पटक

काठमाडौँ । अधिवक्ता चिरञ्जीवि ढकाललाई जेठ २५ उपस्थित गराउन सर्वोच्च अदालतले आदेश दिएको छ । अधिवक्ता कान्तिराम ढुंगानाले दायर गरेको बन्दी प्रत्यक्षीकरणको मुद्दाको सुनुवाई गर्दै सर्वोच्च अदालतले शुक्रबार सो आदेश दिएको हो ।

सर्वोच्च अदालतका न्यायायाधीश अनिलकुमार सिन्हाको एकल इजलासले निवेदकले मागअनुसारको आदेश किन जारी नगर्ने भन्दै सरकारसँग प्रश्न गरेको छ । महान्यायाधिवक्ताकोे कार्यालयमार्फत लिखित जवाफसहित बन्दी उपस्थित गराउन भनेको छ ।

“यसमा केकसो भएको हो रु निवेदकको मागबमोजिमको आदेश किन जारी हुनु नपर्ने हो रु आदेश जारी हुनु नपर्ने भए आधार कारण खुलाई महान्यायाधिवक्ताको कार्यालयमार्फत लिखित जबाफसाथ बन्दीलाई मिति २०७७ जेठ २५ गतेका दिन बिहान १०ः०० बजे उपस्थित गराउनू ।’

“प्रस्तुत आदेश र रिट निवेदनको एकएक प्रति नक्कलसमेत साथै राखी विपक्षीहरूका नाउँमा शुक्रबार नै इमेलमार्फत म्याद सूचना पठाई म्याद सूचना पठाएको जानकारी टेलिफोनमार्फत गराई प्रस्तुत रिट निवेदन सुनुवाइका लागि उपरोक्तबमोजिम मिति २०७७ जेठ २५ गतेको पेसी तोकी नियमानुसार पेस गर्नु” सर्वोच्चको आदेशमा भनिएको छ ।

अधिवक्ता ढकाललाई कानुन व्यवसायको क्रममा प्रहरीले बुधबार माइतीघर मण्डलाबाट गिरफ्तार गरेको थियो । अहिले ढकाललाई महानगरीय प्रहरी परिसर टेकुमा राखिएको छ ।

प्रतिकृया दिनुहोस्