News Portal

  • सबै हल्ला निराधारः किमजोङ सार्वजनिक, रासायनिक कारखानाको रिबन काटेर उद्घाटन

    डबली संवाददाता२०७७ वैशाख २० गते
    ४८९ पटक

    काठमाडौं । सबै हल्ला निराधा सावित गर्दै उत्तर कोरियाका सर्वोच्च नेता किम जोङ्ग उन सार्वजनिक भएका छन् । स्वास्थ्य अवस्था गम्भीर भएको भन्दै गरिएका प्रचार झुट भएको पुष्टि भएको छ ।

    किमजोङ एउटा कार्यक्रमको उद्घाटन गरिरहेको फोटो उत्तर कोरियाको सरकारी संचारमाध्यमले सार्वजनिक गरेको छ । रासायनिक मलको कारखानाको रिवन काटेर उद्घाट गरेको फोटासहित समाचार उत्तर कोरियाली समाचार एजेन्सी केसीएनएले सार्वजनिक गरेको छ ।
    किमजोङ मात्र २० दिन सार्वजनिक कार्यक्रममा नदेखिँदा विश्वमा ठूलो चर्चा भएको थियो ।

    समाचार एजेन्सी केसीएनएका अनुसार उनी सार्वजनिक हुँदा कार्यक्रममा सहभागीहरुले ताली बजार स्वागत गरेका थिए । उनी आफ्नी बहिनी किम यो जोङ्ग र सरकारका वरिष्ठ अधिकारीहरुसँगै कार्यक्रममा सहभागी थिए ।
    अप्रिल १२ पछि पहिला पटक कार्यक्रममा देखिएका हुनु ।

    अप्रिल १५ मा उत्तर कोरियाका संस्थापक नेता किम इल सुङ्गको जन्मदिनको समारोहमा उन आइनपुगेको फोटोसहित विभिन्न प्रचार गरिएको थियो । त्यसअघि सरकारी मिडियाहरुले १२ अप्रिलमा पार्टीको बैठकको अध्यक्षता गरेको र सोही लडाकु विमानहरुको निरीक्षण गरिरहेको किम जोङ्ग उनको तस्वीर सार्वजनिक गरेका थिए । त्यसपछि पहिलो पटक सार्वजनिक कार्यक्रममा देखिएका छन् ।

    दक्षिण कोरियाले गरिएको प्रचारको खण्डन गर्दै आएको थियो ।

    यो पनि 

    किमजोङ स्वस्थ ! वुन्सान रिसोर्टमा कोरोनापछिको विश्वमा शक्‍ति देखाउने रणनीति बनाउँदै

     

    प्रतिकृया दिनुहोस्