काठमाडौं। अर्थ, सञ्चार तथा सूचना प्रविधि मन्त्रीमा डा. युवराज खतिवडा पुन : नियुक्त भएका छन्। प्रधानमन्त्रीको सिफारिसमा राष्ट्रपति विद्यादेवी भण्डारीले बुधबार खतिवडालाई सपथ खुवाउने भएकी छन् । खतिवडाले आज साँझ ४ बजे सपथ लिने कार्यक्रम रहेको बताइएको छ ।
राष्ट्रिय सभाको दुई वर्षे पदावधी सकिएसँगै खतिवडाले मंगलबार राजीनामा दिएका थिए । सांसद नभएपनि ६ महिनासम्म मन्त्री हुन पाउने संवैधानिक व्यवस्थाअनुसाार खतिवडा पुनः मन्त्री हुन लागेका हुन् । यदि ६ महिनाभित्र पनि संघीय संसद अन्तरगतको प्रतिनिधी सभा तथा राष्ट्रिय सभामध्ये कुनै एकमा सांसद नबने खतिवडा स्वतः मन्त्रीबाट हट्नेछन् ।
प्रधानमन्त्री ओलीले मृर्गौला प्रत्यारोपणको लागि अप्रेशन थिएटरमा जानुअघि खतिवडालाई मन्त्रीमा नियुक्त गरेका थिए ।
