News Portal

  • छैठौं पटक बालोन डीओर अवार्ड मेस्सीलाई

    १८७ पटक

    काठमाडौं । लियोनल मेस्सीले छैटौं पटक बालोन डीओर अवार्ड जितेका छन् ।

    सन् २०१९ को उत्कृष्ट खेलाडी बन्दै अर्जेन्टिनाका कप्तान मेस्सीले छैटौं पटक बालोन डीओर जितेका हुन् । उनले क्रिस्टियानो रोनाल्डो, साडियो माने र भिर्गिल भान डायकलाई पछि पार्दै अवार्ड जिते ।

    उनले ६ पटक बालोन डीओर अवार्ड जित्ने पहिलो खेलाडी हुन् । मेस्सीले यस अघि सन् २००९,१०,११,१२ र २०१५ मा अवार्ड जितेका थिए ।

    उनीपछि रोनाल्डोले ५ पटक अवार्ड जितेका छन् । फ्रान्सको पेरिसमा आयोजित विशेष कार्यक्रममा उनलाई अवार्ड प्रदान गरिएको हो ।

    महिला तर्फको अवार्ड अमेरिकी खेलाडी मेगन रापोनीले जितेकी छिन् । लिभरपुलका एलिसन बेकरले उत्कृष्ट गोलकिपर अवार्ड जिते । विश्वभरका कप्तान, प्रशिक्षक तथा खेल पत्रकारहरुको मतको आधारमा यो अवार्ड प्रदान गरिन्छ ।

    प्रतिकृया दिनुहोस्