News Portal

  • एसिया प्यासिफिक क्षेत्रीय सम्मेलन शुरु

    २५१ पटक

    काठमाडौं । एयर ट्राफिक कन्ट्रोलर सम्बन्धी ३६ औँ एसिया प्यासिफिक क्षेत्रीय सम्मेलन शुरु भएको छ ।

    सम्मेलनमा इन्टरनेशनल फेडेरेशन अफ एयर ट्राफिक कन्ट्रोलर एशोसिएसनमा आवद्ध एसिया प्यासिफिक क्षेत्रका १९ मुलुकका प्रतिनिधिहरु सहभागी रहेका छन् ।

    आज (विहीबार) राजधानीमा शुरु भएको सम्मेलनको उद्घाटन समारोहलाई सम्बोधन गर्दे नेपाल नागरिक उड्डयन प्राधिकरणका महानिर्देशक राजन पोखरेलले सुरक्षित एयर ट्राफिक कन्ट्रोलको चुनौति बढ्दै गएको बताए ।

    उनले नीति र प्रविधि राम्रो भएमा एयर ट्राफिक कन्ट्रोल प्रणाली पनि सुदृढ हुने बताए । संस्कृति, पर्यटन तथा नागरिक उड्डयन मन्त्रालयका सहसचिव सुरेश आचार्यले सुरक्षित र भरपर्दो एयर ट्राफिक कन्ट्रोल निर्माणका लागि संरचनाको विकास, कन्ट्रोलर क्षमता र गुणस्तरीय व्यवस्थापनका लागि सरकार सधै तयार रहेको बताए ।

    नेपाल एयर ट्राफिक कन्ट्रोलर एसोसिएसनका अध्यक्ष रामकृष्ण भट्टले सुरक्षित एयर ट्राफिक व्यस्थापनका विषयमासमेत छलफल हुने बताए ।

    सम्मेलनमा उड्डयन क्षेत्रका चुनौति र अवसरहरु, समानता, विधिकरण र नैतिकता, विकसित एयर ट्राफिक व्यवस्थापन, सूचना र सुरक्षा लगायत विभिन्न ५ वटा एजेण्डामाथि छलफल हुनेछ । सम्मेलन शनिबारसम्म चल्ने बताइएको छ ।

    प्रतिकृया दिनुहोस्