![](https://onlinedabali.com/wp-content/uploads/2019/11/elec.jpg)
काठमाडौं । उपनिर्वाचनका लागि कञ्चनपुरको पुर्नवास नगरपालिका ३ नं.मा वडाध्यक्ष पदका लागि ५ राजनीतिक दलका ५ जनाले उम्मेदवारी दिएका छन् ।
मुख्य निर्वाचन कार्यालयको अधिकृत गोपालप्रसाद बास्तोलाको अनुसार निर्धारित समयअवधिसम्ममा ५ जनाले उम्मेदवारी दर्ता गराएका हुन् ।
उनका अनुसार सबैभन्दा पहिला नेपाल कम्युनिस्ट पार्टी (नेकपा)का उम्मेदवार कृष्णबहादुर तामाङ्ग, दोस्रोमा कांग्रेसका उम्मेदवार दिपबहादुर तामाङ्ग, समाजवादीका पदम बहादुर शाही, राप्रपा समुहका भीमबहादुर तामाङ्ग र अन्तिममा राप्रपा संयुक्तका श्रीधन तामाङ्गले उम्मेदवारी दर्ता गराए ।
सबै राजनीतिक दलका उम्मेद्वारहरुले बाजागाजासहित उम्मेदवारी दर्ता गराएका थिए । पुनर्वास नरपालिका ३ नं.वडाध्यक्षमा निर्वाचित फैरु तामाङ्ग जिल्ला समन्वय समिति कञ्चनपुरको प्रमुखमा निर्वाचित भएपछि वडाध्यक्ष पद रिक्त रहेको थियो ।
२०७४ असारमा सम्पन्न भएको स्थानीय तह निर्वाचन नेकपाका उम्मेदवार फैरु तामाङ्ग उक्त वडाबाट निर्वाचित भएका थिए ।