News Portal

  • भारतबाट युवक ल्याएर नेपालमा हत्या

    १२४ पटक

    जनकपुर । हत्यारा समूहले भारतबाट युवा ल्याएर रौतहटमा गोली हानी हत्या गरेको छ ।

    रौतहटको इशनाथ नगरपालिकामा हत्याराहरुले युवकलाई गोली हानेर हत्या गरेका हुन् । प्रहरीका अनुसार हत्या गरिएका युवालाई गोली हान्नेहरुले नै भारतीय नम्बरप्लेटको मोटरसाइकलमा राखेर रौतहट ल्याएका थिए ।

    युवकको हत्या गर्नेहरु सोही मोटरसाइकल चढी पुन : भारततर्फ गएको स्थानीयबासीले बताएका छन् । हत्या गरिएका युवाको साथबाट परिचय खुल्ने कुनै कागजपत्र नभेटिएको प्रहरीले जनाएको छ ।

    हत्या गरिएका युवा भारतीय वा नेपाली नागरिक भन्ने अझै खुलेको छैन । युवकको हत्यामा प्रयोग गरिएको गोलीको खोका हेर्दा अत्याधुनिक हतियारमा प्रयोग हुने खालको बताइएको छ । प्रहरीले युवकको पहिचान र हत्याराहरु पक्राउ गर्न अनुसन्धान थालेको छ ।

    प्रतिकृया दिनुहोस्