News Portal

  • महरा नर्भिक अस्पतालमा

    २३० पटक

    काठमाडौं । थुनामा रहेका निवर्तमान सभामुख कृष्णबहादुर महरा अस्पताल भर्ना भएका छन् ।

    ‘रेगुलर चेकअप’ का लागि उनलाई नर्भिक अस्पताल पुर्याइएको महानगरीय प्रहरी परिषरले जानकारी दिएको छ ।

    प्रहरीका अनुसार प्रेसरको समस्या देखिएपछि उनलाई अस्पताल पुर्याइएको हो । भर्ना गर्ने कि नगर्ने भन्ने विषयमा डाक्टरहरुबीच छलफल भइरहेको छ ।

    संसद सचिवालयका महिला कर्मचारीमाथि बलात्कारको प्रयास गरेको आरोपमा उनलाई असोज १९ गते सभामुख निवासबाटै प्रहरीले पक्राउ गरी महानगरीय प्रहरी वृत्त सिंहदरबारमा राखेको छ ।

    उनीसँग पारिवारिक सम्बन्धमा रहेकी ती महिलाले शनिबार महानगरीय प्रहरी वृत्त, नयाँ बानेश्वरमा किटानी जाहेरीसमेत दिएकी थिइन् । उनी असोज १२ गते राति ती महिलाकोे कोठामा पुगेको र बलात्कार प्रयास गरेको उनमा आरोप छ ।

    प्रतिकृया दिनुहोस्