News Portal

  • भ्रष्टाचारी र दलाललाई छोड्दैनौं तर सेना-प्रहरीमाथि आक्रमण गर्दैनौंः विप्लव

    ८२९० पटक

    काठमाडौँ । नेपाल कम्युनिस्ट पार्टीका महासचिव विप्लवले आफूहरुले युद्ध घोषणा नगरेको बताएका छन् । सरकारले आफ्नो लुटलाई बचाउन आफ्नो पार्टीमाथि प्रतिबन्ध लगाएर शान्तिपूर्ण राजनीतिक कार्यक्रम गर्न नदएिको बताए ।

    पार्टी निकट रातोखबरलाई अन्तरवार्ता दिँदै विप्लवले आफूहरुले जनताले सडकमा माग गरेको कुरा उठाउँदा राज्यले दमन गरेको बताए । एनसेल, मानव बेचबिखन गर्ने म्यानपावार कम्पनी, अरुण र माथिल्लो कर्णालीविरुद्ध पार्टी कारवाही गरेको बताउँदै विप्लवले फेरि गर्ने चेतावनी पनि दिए । उनले अरुण र माथिल्लो कर्णाली देशको हितमा नभएको भन्दै कुनै पनि हालतमा हुन नदिने बताए ।

    अन्तरवार्ताको क्रममा विप्लवले सुरक्षाकर्मीमाथि आक्रमण गर्ने पार्टीको योजना नभएको बताए । क्रान्ति वा परिवर्तन आम नागरिकको सरोकार भएकोले सुरक्षाकर्मीलाई आफ्नो आन्दोलनमा साथ दिन सांकेतिक रुपमा आग्रह गरे । आफूहरुले शान्तिपूर्ण जनताको भावनालाई बोकेको तर सरकारले प्रतिबन्ध लगाएको बताउँदै वार्ताको लागि जनतासहित छलफल गर्न तयार रहेको समेत बताए । विप्लवले रत्नपार्कमा जनतासहित बहस गर्न तयार रहेको बताए ।

    पार्टीले पछिल्लो पटक लिएको निर्णय कुनै नेतालाई कारवाही नगरेको बताउँदै सबैको सहमति र छलफलमा ठिक ठिक ठाउँमा बसेर क्रान्तिमा लाग्ने वातावरण बनाउन लागेको बताए । उनले क्रान्ति गर्ने पार्टी चट्टान जस्तो र नमूना बन्नुपर्ने भन्दै सुदृढ पार्टी बनाउन चाहेको बताए ।

    विप्लवले असल विचार, संगठन, आर्थिक र विज्ञान प्रविधिको प्रयोगले मात्रै क्रान्ति सम्पन्न गर्न सकिने बताउँदै त्यसैको लागि सबैसँग सक्दो सहयोगको अपील गरिएको बताए । उनले क्रान्तिकारी ध्रुविकरणसँगै समाजमा देखाएको सबै खाले समस्याका विरुद्ध आफूहरुले संघर्ष गर्ने बताए ।

    जनताले बलिदान गरेर सत्ता ल्याउने तर सत्तामा पूरानै वर्ग पुग्नेको गरेको हुँदा जनताले परिवर्तनको अनुभूति गर्न बताउँदै अब जसले लड्छ उसलै सत्ता चलाउने दाबी गरे ।

    विप्लवले एनसेलबारे सर्वोच्चको अदालतको पछिल्लो फैसलाबारे आक्रोस व्यक्त गरे । उनले प्रधानन्यायाधीशले गरेको फैसला उल्टाउने न्यायाधीशलाई भूइँफुट्टा भन्दै जनताले नछोड्ने बताए ।

    विप्लवको ताजा अन्तरवार्ताः कुर्सीमा बसेर बहस गर्न तयार छौं (भिडियोसहित)

    प्रतिकृया दिनुहोस्