वीरेन्द्रनगर । भ्रष्टाचारविरुद्धको ‘नागरिक निगरानी समूह’ गठन गरिएको छ ।
अख्तियार दुरुपयोग अनुसन्धान आयोग सुर्खेत शाखाले सरोकारवालासँगको छलफलमा खिम रेग्मीको संयोजकत्वमा १८ सदस्यीय समूह गठन गरेको हो ।
जनसहभागिताको अभ्यासबाट समाजमा हुने भ्रष्टाचार नियन्त्रण तथा सुशासन प्रवद्र्धन गर्ने उद्देश्यले प्रतिष्ठित व्यक्तिलाई समेटेर समूह गठन गरिएको शाखा प्रमुख ज्ञानराज सुवेदीले बताए ।
कर्णाली प्रदेश सरकारका प्रमुख सचिव रामप्रसाद थपलियाले भने,“घुस माग्ने र दिने दुबैको खबरदारी गर्दै राष्ट्रसेवक कर्मचारी हरेकले आ-आफ्नो जिम्मेवारी पूरा गरौं ।”
शाखाका सूचना अधिकारी मेघनाथ सापकोटाले यस समूहलाई आयोगले वार्षिक १-१ लाख बजेट सहयोग उपलब्ध गराउने जानकारी दिए ।
