अनलाइन डबली
काठमाडौं । गृहमन्त्री रमेश लेखकले राजिनामा नदिएसम्म संसद बैठक चल्न नदिने विपक्षी दलले निर्णय गरेका छन् । प्रमुख प्रतिपक्ष नेकपा माओवादी केन्द्रसहितका विपक्षी दलको बैठकले निर्णय गरेको हो ।
प्रमुख प्रतिपक्षी दल नेकपा माओवादी केन्द्रका अध्यक्ष प्रचण्डले राखेको बैठकले रास्वपा, नेकपा एकीकृत समाजवादी पार्टीलगायत विपक्षमा रहेका साना दलका नेताहरुले आफ्नो अडानबाट पछि नहट्ने निर्णय गरेका हुन् ।
भिजिट भिसा प्रकरण बिबादमा मुछिएपछि विपक्षी दलहरुले गृहमन्त्री लेखकको राजिनामा माग गर्दै संसद बैठक अवरुद्ध गर्दै आएका छन् ।
यसैबीच सत्तारुढ नेकपा एमाले र नेपाली काँग्रेसले गृहमन्त्रीले राजिनामा नदिने संसदमा जवाफ दिने भएका छन् । विहान प्रधानमन्त्री निवास बालुवाटारमा प्रधानमन्त्री ओलीसँग काँग्रेस सभापति शेरबहादुर देउवा र गृहमन्त्री लेखकबीच भएको छलफलमा यस्तो निष्कर्ष निकालिएको हो ।
विपक्षी दलले संसद बैठक अवरुद्ध गरेपनि सभामुख देवराज घिमिरेले पेलेरै गृहमन्त्रीलाई बोल्न समय दिने तयारी सत्तारुढ दलका रहेको छ ।
