News Portal

  • आरोप लगाइरहँदा छलफल गर्न भारतलाई पाकिस्तानको आमन्त्रण

    २७५ पटक

    काठमाडौं । पाकिस्तानका प्रधानमन्त्री इमरान खानले भारतले पाकिस्तानमाथि आक्रमण गरे कुनै सोच-विचारबिनै त्यसको जवाफ दिने बताएका छन् ।

    भारत प्रशासित जम्मु-कश्मिरको पुलवामा गत बिहीबार ४० सुरक्षाकर्मीको मृत्यु हुनेगरी भएको आत्मघाती आक्रमणमा पाकिस्तानको संलग्नता रहेको भारतले आरोप लगाइरहँदा पाकिस्तानी प्रधानमन्त्रीको भनाइ सार्वजनिक भएको हो ।

    मंगलबार एक सम्बोधनमार्फत उनले भारतले बिना प्रमाण पाकिस्तानमाथि आरोप लगाएको दाबी गरे । ‘पाकिस्तान स्थायित्वतर्फ अघि बढिरहेका बेला भारतले बिना आधार किन आरोप लगाइरहेको छ ?’ भन्दै पाकिस्तानी प्रधानमन्त्रीले प्रश्न गरे ।

    पाकिस्तानी भूमिको प्रयोग गरेर कुनै पनि आक्रमण गरिए त्यो आफूहरुको पनि शत्रु भएकाले पाकिस्तानमै आएर जाँच गर्नसमेत उनले आग्रह गरे ।

    प्रधानमन्त्री खानले छलफलबाट सबै विषयको समाधान निकाल्न सकिने भएकाले कश्मिरको विषयमा छलफल गर्न भारतलाई आमन्त्रण समेत गरेका छन् ।

    प्रतिकृया दिनुहोस्