आज :

मलेसिया जाने कामदारलाई ठगी गरेको आरोपमा पूर्वमन्त्रीसहित ६ जना पक्राउ

  • अनलाइन डबली

काठमाडौं । मलेसिया जाने नेपाली कामदारलाई ठगी गरेको आरोपमा प्रहरीले दुई जना पुर्वमन्त्रीसहीत ६ जनालाई पक्राउ गरेको छ ।

सरकारले तोकेकोभन्दा बढी रकम असुली गरेको आरोपमा उनीहरुलई प्रक्राउ गरिएको हो ।

केन्द्रीय अनुसन्धान ब्युरो (सीआईबी)ले सङ्गठित अपराधसम्बन्धी अनुसन्धानका क्रममा तत्कालीन श्रम, रोजगार तथा सामाजिक सुरक्षामन्त्री शेरबहादुर कुँवर र रामेश्वर राय यादवलाई प्रक्राउ गरेको हो ।

त्यस्तै, ब्युरोले मन्त्रालयका तत्कालीन सचिव विनोद केसी, तत्कालीन रोजगार व्यवस्थापन महाशाखा प्रमुख (सहसचिव) उमेश ढुंगाना, राजीव पोखरेल र मन्त्रालयकी तत्कालीन कानुन अधिकृत (उपसचिव) निर्मला गुरुङ प्रक्राउ गरेको छ ।

सीआईबीका प्रवक्ता तथा प्रहरी वरिष्ठ उपरीक्षक अनुपम शमशेर जबराले मलेसिया जाने कामदारबाट सरकारले तोकेको रकमभन्दा अतिरिक्त १०० रिङ्गिट उठाइएको विषयमा अनुसन्धान भइरहेको जानकारी दिए ।

उनले भने, ‘मलेसियामा कामदार पठाउने बेलामा जुन उठाउनु पर्ने भन्दा बाहेकको रकम उठायो भन्ने विषयमा अनुसन्धान हुँदैछ । कामदार त्यो १०० रिङ्गिट एक्स्ट्रा उठायो भन्ने छ, जुन सरकारले तोकेको भन्दा बढी रकम रहेको छ । अहिले अनुसन्धानको लागि हामीले उहाँहरुलाई नियन्त्रणमा ल्याएका हौँ ।’

उनका अनुसार कामदारबाट अतिरिक्त रकम उठाउने निर्णय प्रक्रियामा पक्राउ परेका व्यक्तिहरूको संलग्नता रहेको देखिएकाले अनुसन्धानका लागि उनीहरूलाई नियन्त्रणमा लिइएको हो ।

उनले सरकारले तोकेको रकमभन्दा बढी रकम असुली गर्ने विषयमा निर्णय प्रक्रियामा सहभागी भएकाहरूको भूमिकाबारे अनुसन्धान भइरहेको जानकारी दिए ।

पक्राउ परेका सबै जना हाल सीआईबीको नियन्त्रणमा रहेको र प्रहरीले उनीहरूमाथि थप अनुसन्धान गरिरहेको उनले बताए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टिम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal