अनलाइन डबली
काठमाडौँ । प्रधानमन्त्री प्रचण्डले मन्त्रिमण्डल विस्तार गरेका छन् । विस्तारित मन्त्रिमण्डल २० सदस्यीय भएको छ । नयाँ समिकरणसँगै प्रधानमन्त्री दोस्रो पटक मन्त्रिमण्डल विस्तार गरेका हुन् ।
पहिलो चरणमा तीन जना मन्त्रीले शपथ लिएका थिए भने बुधबार थप मन्त्रीले शपथ लिएका छन् । एमाले, माओवादी, रास्वपा र एकीकृत समाजवादी सरकारमा सहभागी भएका छन् ।
एमालेले ८, माओवादी ५, रविको पार्टी ४ र एकीकृत समाजवादीका २ मन्त्रीले शपथ लिएका छन्। योसँगै मन्त्रीको संख्या २० पुगेको छ । नयाँ समिकरणमा हस्तक्षार गरेका उपेन्द्र यादव भने सरकारमा सहभागी भएका छैनन् ।
मधेस प्रदेशको मुख्यमन्त्रीको सुनिश्चित गर्न शिर्ष नेताहरुको प्रतिवद्धता खोजेका यादवले अन्तिम चरणमा आएर तत्काल सरकारमा सहभागी नहुने जानकारी गराएका थिए ।
उनको पार्टीको भाग दुई मन्त्रालय छुट्याइएको छ । अब जसपा सरकारमा आए स्वास्थ्य र वन मन्त्रालय पाउनेछ । नयाँ कार्यविभाजनमा स्वास्थ्य र वन मन्त्रालय प्रधानमन्त्री प्रचण्डसँगै रहेका छन् ।
सहमतिअनुसार उपेन्द्र यादवा उपाप्रधानसहित स्वास्थ्य मन्त्री बन्ने लागेका थिए ।
