अनलाइन डबली
बाँके । नेपालगन्ज उद्योग बाणिज्य संघको भोलि (भदौ २ गते) चुनाव हुँदैछ । समाबेशी प्यानल उद्योगी व्यवसायीको तर्फबाट अध्यक्ष पदमा टंकबहादुर धामीको टीमले चुनावी अभियानलाई अन्तिम चरणमा पुर्याएको छ ।
अध्यक्ष पदका उम्मेदवार धामीको नेतृत्वमा समावेशी प्यालनले ‘समुन्नत अर्थतन्त्र, सम्वृद्ध उद्योगी व्यवसायी अन्तुष्ट उपभोक्ता आजको आवश्यकता’ नारा दिएको छ ।
अध्यक्ष पदका उम्मेदवार धामीले आफ्नो टीम सबै व्यवसायीका घरघरमा पुग्न नसकेको भन्दै आफूहरुको उद्देश्य व्यवसायीका हित र उपभोक्ताको सन्तुष्टी नै भएको बताउँदै भोट हाल्न अपील गरेका छन् ।
अध्यक्ष पदका उम्मेदवार अधामीले आफ्नो समूहले मुख्यगरी तीनवटा एजेण्डा उठाएको बताए ।
यी हुन् तीन एजेण्डा
१ भन्सारः नेपालमा भन्सार व्यवस्थित नभएकै कारण राजस्व संकलनमा समस्या देखा परेका छन् । भन्सारलाई व्यवस्थित गराउन पहिलो बैठक भन्सारमा गर्ने । भन्सारमा भइरहेका समस्या समाधान नभएसम्म भन्सारमै टेन्ट लगाएर बस्ने ।
भन्सार सुरक्षाको लागि भारतीय सुरक्षकर्मी र कर्मचारीले जसरी खटिएका हुन्छन्, त्यसको तुलनामा नेपालतिर फितलो छ । भारतीय एसएसबीले गरेअनुसार नेपालीतिर पनि कडाई गर्नुपर्छ । नेपालगंज २७ जिल्लाको भन्सार गेटवे भएको बताउँदै धामीले व्यवस्थति गर्नुपर्नेमा पहिलो एजेण्डा बनाएका छन् ।
२. राजस्वः अन्डरटेबुल राजस्व नहटाउने हो भने सरकार अझै संकटमा पर्ने र राजस्व वृद्धि नहुने देखिन्छ । राज्य बलियो बनाउन राजस्व संकलनमा देखा परेका त्रृटिहरु हटाउनुपर्छ । अन्डरटेबुल लेनदेनकै कारण राजस्व कम संकलन हुन थालेको बताए । यसले राज्य र व्यवसायी दुबै मारमा परेका छन् ।
३. उपभोक्ताः धामीको तेस्रो र महत्वपूर्ण एजेण्डा भनेको उपभोक्ताको सरोकार भएको बताउँछन् । पैसा कमाउनैको लागि उपभोक्तालाई असन्तुष्ट वा मारमा पार्नु नहुने कुरामा धामी जोड दिन्छन् ।
केही सस्तोमा पाइन्छ भन्दै उपभोक्ता सीमा पारी जाने गरेका छन् । यसमा अलि जनचेतनाको कमीकै कारण सस्तोमा पाइन्छ भन्दै सीमा पारी जाने गरेको धामीले बताए । सीमा पारी जाने भाडा र समयको मूल्यमा जोड्ने हो भने नेपालमा भन्दा महंगो पर्न जाने समेत धामीले बताए ।
