अनलाइन डबली
काठमाडौँ । इरानी उच्च अधिकारीले आफ्नो देश एटम बम बनाउन सक्षम रहेको बताएका छन् । सर्वोच्च नेता अयातुल्ला अली खामेनीका सल्लाहकारले कमाल खराजीले एटम बम बनाउने चावी इरानको हातमा रहेको बताएका हु्न । योसँगै अमेरिका र मध्यपूर्वमा खैलाबैला मच्चिएको छ ।
केही दिन पहिले मात्रै अमेरिकी राष्ट्रपति जो बाइडनले इरानले परमाणु हतियार बनाएर हमला गर्ने बताएका थिए । इजरायल भ्रमणको क्रममा बाइडनले इरानले परमाणु बम बनाएर अमेरिका र इजरायले हमला गर्ने चेतावनी दिएका थिए । त्यसको एक हप्ता नबित्दै इरानी उच्च अधिकारीले मरमाणु बमको चेतावनी दिएका छन् ।
परमाणु बम बनाउन ९० प्रतिशत शुद्ध यूरेयिनम आवश्यक हुन्छ । सन् २०१५ मा अमेरिका र इरानबीच भएको यूरेयिनम सम्झौतामा ऊर्जाको लागि इरानले ३.६७ प्रतिशत शुद्ध यूरेनियम उत्पादन गर्न पाइने भन्ने छ । तर, उक्त सम्झौताबाट अमेरिकी राष्ट्रपति डोनाल्ड ट्रम्प पछि हटेको बताउँदै इरानले आफू आवश्यकताअनुसार परमाणु हतियार बनाउन चेतावनी दिँदै आएको थियो । तर, सर्वोच्च नेताकै कार्यालयबाट यो पहिलो पटक चेतावनी आएको हो ।
इजरायलको जासुसी संस्था मोसादले इरानसँग ६० प्रतिशत शुद्ध यूरेनियम भएको दाबी गरेको थियो । तर, अहिले खराजीले आफूुसँग ९० प्रतिशत शुद्ध यूरेनियम बताएको छ । यसअघि इन्टरनेशनल अटोमिक इनर्जी एजेन्सीले इरानसँग एटम बम बनाउन मिल्ने २५ किलो शुद्ध यूरेनियम भएको बताएको थियो । एउटा परमाणु बम बनाउन २५ किलो ९० प्रतिशत शुद्ध यूरेनियम आवश्यक पर्छ ।
विभिन्न अध्ययनले इरानसँग अहिले ४३ किलो ९० प्रतिशत शुद्ध यूरेयिनम रहेको यसलाई बढाएर ६६ किलो बनाउन सक्ने देखाएको छ । यूरेनियमको विषलाई लिएर लामो समयदेखि अमेरिका र इरानीबीच दुश्मनपूर्ण सम्बन्ध छ । अमेरिकाले उच्च सैन्य अधिकारी कासिम सुलेमानीको ड्रोन हमलाबाट ह त्या गरेपछि इरान झन् आक्रोसित बनेको छ । त्यस्तै, इरानका परमाणु वैज्ञानिक मोहसिन फख्रिजादेहको पनि ह’त्या गरिएको थियो । इरानले यसको आरोप पनि अमेरिकालाई लगाउँदै आएको छ । उसले त्यसको बदला लिने बताउँदै इराकमा रहेका अमेरिकी अखडाहरुमा क्षेप्यास्त्र प्रहार गर्ने गरेको छ ।
अमेरिकाले इजरायललाई इरानविरुद्ध लगाउँदै आएको छ । इजरायली सैनिक र ह्याकरहरुले पटक पटक इरानमाथि हमला गर्दै आएका छन् । इजरायलकै योजनामा इरानका उच्च अधिकारीहरुका हत् या हुँदै आएको छ । सन् २०२० जुलाई २ मा पनि इजरायली फाइटर विमानले इरानमा सैनिक इलाकामा हमला गरेर भागेका थिए । इजरायली ह्याकरहरुले इरानीको आणविक उर्जा केन्द्रका ह्याक गरी आगजनी गराएको इरानको आरोप लगाएको छ । भलै केन्द्रमा खटिएका सुरक्षाकर्मीका कारण ठूलो क्षति हुन पाएन ।
अमेरिकी राष्ट्रपतिले आणविक हतियार बनाए हमला गर्ने चेतावनी दिएको एक हप्ता नबित्दै इरानले चावी हात आएको बताएर जवाफ फर्काएको छ । यसबारे अमेरिकाले कस्तो प्रतिक्रिया जनाउँछ त्यो हेर्न त बाँकी नै छ । तर, इरानको यो जवाफले अमेरिका र मध्यपूर्वमा खैलाबैला मच्चिएको र अमेरिकी राष्ट्रपति बाइडनलाई चिन्ता तथा तनाव बढाएको भारतीय संचारमाध्यमहरुले जनाएका छन् ।
भिडियो
