काठमाडौँ । नेपाल कम्युनिष्ट पार्टी काठमाडौं जिल्ला अन्तर्गत महानगर समितिको बैठकले कोरोना परीक्षण, आइसोलेसन र उपचारमा सहजीकरण तथा संकट व्यवस्थापन गर्ने निर्णय गरेको छ । शुक्रबार सम्पन्न बैठकले पहिलो प्राथमिकता सहिद परिवार, घाइते र पूर्णकालिन नेता कार्यकर्ता राखेर सहजीकरण गर्ने निर्णय गरेको हो ।
महानगर समितिका इन्चार्ज सौगातका अध्यक्षतामा बसेको बैठकमा सबैले आआफ्नो कार्यक्षेत्रको रिपोर्ट गरेका थिए । भर्चुअल माध्यमबाट सम्पन्न बैठकले पार्टीमा आवद्ध कसलाई कोरोनासँग मिल्दोजुल्दो लक्षण देखिए, परीक्षण गर्नु परेमा तथा उपचार गर्नु पर्ने अवस्थामा सहजीकरण गर्ने निर्णय गरेको इन्चार्ज सौगातले जानकारी दिए ।
त्यसैगरी जारी निषेधाज्ञाको कारण समस्यामा परेका नेता कार्यकर्तासँगै समर्थक शुभचिन्तक र आम नागरिकिलाई व्यवस्थापनमा सहजीकरणको लागि भूमिका खेल्ने बैठकले पनि निर्णय गरेको छ । जनवर्गीय संगठनहरुले सापेक्षतामा राजनैतिक वैचारिक प्रशिक्षण चलाउने निर्णय गर्दै संयोजक र अध्यक्षलाई जिम्मा दिइएको छ ।
पार्टीले उठाएका जनजिवीकाका सवाल, जनतन्त्रका सवाल र राष्ट्रियताका सवालमा सामाजिक संजालमा ब्यापक प्रचारप्रसार गर्नुको साथै पार्टीले बिभिन्न बैठकमा तय गरेका नाराहरुलाई पनि ब्यापकतामा प्रचारप्रसार गर्ने निर्णय समेत बैठकले गरेको छ । त्यस्तै असफल संसदीय ब्यवस्था र वैज्ञानिक समाजवादको अपरिहार्यता बारेमा ब्यापक बहस चलाउने निर्णय गरेको सेक्रेटरी रोमिकले जानकारी दिए ।
बैठकले बैज्ञानिक समाजवाद र कम्युनिष्ट आन्दोलनको बारेमा बिभिन्न पार्टीका नेताहरु, बुद्धिजीविहरु, र प्रगतिशिलहरुसँग परिस्थिति अनुकुल बहसहरु संचालन गर्ने निर्णय गरियो । बैठकमा सहभागी पार्टीका युवा नेता जीवनले निर्णयलाई कार्यान्वयन गर्न निर्देशन दिएका थिए ।
यस्ता छन् निर्णयहरु
