काठमाडौं । साताको कारोबारमा अन्तिम दिन नेपाल स्टक एक्सचेन्ज (नेप्से) परिसूचकमा झिनो अंकले सुधार देखिएको छ ।
आज (बिहीबार) परिसूचक ०.७१ अंकले बढेर १ हजार १ सय ३७.७५ अंक कायम भएको छ । १६० वटा कम्पनीको ९ लाख ९८ हजार कित्ता सेयर ३ हजार ५ सय ७८ पटक खरिद बिक्री हुँदा कारोबार रकम भने १८ करोड २९ लाख ९४ हजार ९ सय रुपैयाँमा खुम्चिएको छ ।
सेन्सेटिभ परिसूचकमा ०.५४ अंकको करेक्सनपछि २४९.१२ अंकमा कायम छ । बिहीबार होटल समूह, विकास बैंक समूह, उत्पादन समूह र अन्य समूहको उपसूचक क्रमश : १.८८, १०.१३, २.६९ र २.६ अंकले घटेको छ ।
सबैभन्दा बढी निर्जीवन बिमा समूहको उपसूचक ३६.८६ अंकले बढेको छ । कारोबार रकमका आधारमा प्रभु बैंक लिमिटेडको १ करोड ९९ लाख ९८ हजार ८ सय रुपैयाँ बराबरको कारोबार भएको छ ।
सबैभन्दा धेरै कमाउनेमा सानिमा इक्विटी फन्डका लगानीकर्ताले प्रतिकित्ता ८ प्रतिशतका दरले कमाएका छन् भने सबैभन्दा धेरै गुमाउनेमा माहुली लघुवित्त वित्तीय संस्था लिमिटेडका लगानीकर्ता छन् । उनीहरुले प्रतिकित्ता ६.२५ प्रतिशतका दरले गुमाएका छन् ।
