अनलाइन डबली
काठमाडौं । राज्यले जेनजी जनका परियारलाई गैरन्यायीक थुनामा राखेको र सर्बोच्च अदालतले थुनामुक्त गराएर संविधान सम्झाएको वक्ताहरुले बताए । बहिबार राजधानीको संवाद डबलीमा राष्ट्रिय जेनजी नागरिक अभियानले गरेको कार्यक्रममा परियारले हिरासतको बसाईपछि थप आत्मबल बढेको बताए ।
अभियानका संयोजक सुनिल सिंहले जेनजी कै बलमा बनेको सरकारले जनक परियार जस्तै सयौं युवाहरुप्रति पूवाग्रह साँधेको जिकिर गरे । परियारले सरकारका कार्यहरुमा खबरदारी गर्दा पक्राउ गर्नु संविधान विपरित भएको र न्यायालयले थुनामुक्त गरेर संविधानको रक्षा गरेको दाबी गरे ।
अभियानका प्रवक्ता विर्जन विश्वकर्माले राज्यका बेथिति र विसंगतिविरुद्ध खबर्दारी गर्न पाउने संवैधानीक अधिकारलाई सरकारले मिच्दै गएको आरोप लगाए । “जेनजी आन्दोलन प्रतिक्रान्तिमा बदलियो, सबै समकालिन् आन्दोलनमा सहभागिहरु कोही महान क्रान्तिकारी र कोहीलाई अपराधी करार गर्न मिल्छ, यो अन्याय भयो, कोही सत्ताको मालिक हुने र अरु आतंककारी हुने हुन्छ र” विश्वकर्माले प्रश्न गरे ।
श्रमसंस्कृति पार्टीका युवा नेता निर्मल परियारले सडकबाट खबरदारी गर्ने युवाहरुप्रति सरकार अनुदार हुनेभन्दा उनिहरुको सल्लाह सुझाव लिनुपर्ने धारणा राखे ।
अभियानका अजय सोडारीले राज्यको गलत रवैयाहरुविरुद्ध आफूहरु पनि २२ दिन अनाहकमा हिरासत बस्नुपरेको स्मरण गर्दै, जनकलाई पनि त्यसरी नै ११ दिन हिरासतमा राखेको जिकिर गरे ।
जनक परियारलाई गत भदौ २७ गते भद्रकाली प्रहरी परिसरको टोलिले साइबर कसुरको मुद्धामा पक्राउ गरेको थियो भने असोज ७ गते सँझ ७ बजे सर्बोच्चको आदेशमा हिरासत मुक्त गरेको थियो ।
जेनजी सुनिल विकले कुनै पनि व्यक्ति दोषि प्रमाणित नहुन्जेलसम्म गिरफ्तार गर्न नपाई संवैधानीक व्यवस्थाको उल्लङघन नगर्न बालेन सरकारलाई चेतावनी दिए ।
