अनलाइन डबली
काठमाडौँ । अखिल क्रान्तिकारीले मापदण्ड पूरा नगरी संचालन गरेको, चर्को शुल्क असुलेर अभिभाकमाथि आर्थिक शोषण गरेको बसमा आगजनी गरेको छ ।
महावीरले नेतृत्व गरेको नेकपा (माओवादी) निकट अखिल क्रान्तिकारीले नवलपुरमा रहेको उक्त कलजले चेतावनी दिँदा समेत अटेर गरेको भन्दै चेतावनीस्वरुप कारवाही गरेको विज्ञप्तिमार्फत बताएको छन् ।
अखिल क्रान्तिकारीकाक नवलपुर संयोजक सन्दिपले जारी गरेको विज्ञप्तिमा भनिएको छ, “शैक्षिक माफियाको नेता हरि भण्डारीले सञ्चालन गर्दै आएको अक्सफोर्ड कलेजले मापदण्ड पूरा नगरी चर्को शुल्क असुल्ने, अभिभावकहरुलाई आर्थिक शोषण गरेको र अखिल क्रान्तिकारीसँग भएको सहमति कार्यान्वयन नगरेको हुँदा पटकपटक चेतावनी दिँदासमेत पैवाह नगरेको हुँदा नवलपुरद्वारा बसमाथि चेतावनीस्वरुप कारवाही गरिएको जानकारी गराउन चाहन्छौं” विज्ञप्तिमा भनिएको छ ।
संविधानमा संस्थागत भएको अनिवार्य शिक्षा, उच्च शिक्षासम्म निःशूल्क र वैज्ञानिक शिक्षाको लागू गर्न, सम्पूर्ण निजी शैक्षिक संस्थाहरुलाई राष्ट्रियकरण गरी शैक्षिक रुकरुपता ल्याउन, निजी शैक्षिक संस्थाहरु, शैक्षिक व्यापारीकरण र शैक्षिक माफियाको पूर्ण खारेजी, शैक्षिक क्षेत्रमा देखिएका सबैखाले विकृति अन्त्य, अवैध विदेशी शैक्षिक संस्थाहरु, तयारी कक्षा संचालक गर्ने संस्था र कन्सल्टेन्सीहरु खारेजीको लागि अखिल क्रान्तिकारीले संघर्ष जारी राख्ने पनि संयाजेक सन्दिपले विज्ञप्तिमा उल्लेख गरेका छन् ।
विज्ञप्तिः
