अनलाइन डबली
काठमाडौँ । इरानका राष्ट्रपति इब्राहिम रईसीको हेलिकप्टर दुर्घटनामा परी मृत्यु भएको छ । इरानी सरकारी संचारमाध्यमहरुले दुर्घटनास्थलका फोटो सार्वजनिक गरेका छन् । हेलिकोप्टर पूरै जलेर खरानी भएको फोटो सार्वजनिक भएको छ ।
दुर्घटनास्थलमा उद्दारकर्ताहरुले आधिकारिक भनाई सार्वजनिक गर्न सकेका छैनन् । सेटलाइट र ड्रोनबाट दुर्घटनास्थल पत्ता लागेको थियो । हेलिकोप्टर भएको १७ घण्टापछि दुर्घटनास्थलको पत्ता लागेको थियो ।
इरानी अधिकारीलाई उदृत गर्दै समाचार एजेन्सी रोयटर्सले दुर्घटनामा हेलिकप्टर पूर्ण रूपमा जलेको बताएको छ । अहिलेसम्म कसैको पनि शव नभेटाएको बताइएको छ । इरान सरकारले औपचारिक रुपमा दुर्घटनाबारे जानकारी बताएको छैन ।
पहाडी क्षेत्रमा खराब मौसमका कारण हेलिकोप्टर दुर्घटना भएको आशंका गरिएको छ । इरानको सरकारी सञ्चारमाध्यमका अनुसार दुर्घटनास्थल हार्ड ल्यान्डिङ हुने अपेक्षा गरिएको ठाउँबाट करिब दुई किलोमिटर टाढा छ ।
आइतबार इरानी राष्ट्रपति इब्राहिम रईसी र विदेशमन्त्री होसेन अमिर अब्दुल्लाहियान चढेको हेलिकप्टर दुर्घटनामा परेको थियो ।
तर, उद्दारकर्ताहरु दुर्घटनास्थल पुग्न नसकेका कारण औपचारिक घोषणा भने हुन बाँकी रहेको छ । उद्दारकर्ताहरुले हेलिकोप्टरमा सवार कोही पनि बचेको सम्भावना नरहेको बताएका छन् ।
भारतीय सुरक्षा विज्ञ संजय सोईले हेलिकोप्टर हुने सक्ने दुईवटा कारण हुने बताए । पहिलो खराब मौसम र अर्को इजरायल र अमेरिकाको हात हुन सक्ने सोईको दाबी छ ।
