अनलाइन डबली
काठमाडौँ । नेपाली कांग्रेसले सरकारको नीति तथा कार्यक्रम संघीय संसदमा प्रस्तुत गर्न दिने भएको छ । आज दिउँसो राष्ट्रपति रामचन्द्र पौडेलले संसदका दुबै सदनको संयुक्त बैठकमा सरकारको आगामी आर्थिक बर्षको नीति तथा कार्यक्रम प्रस्तुत गर्न लागेका छन् ।
गृहमन्त्री रवि लामिछानेमाथि छानविन समिति बनाउनुपर्ने माग राख्दै सदन अवरुद्ध गर्दै आएको काँग्रेसका नेताहरुलाई मंगलबार विहान प्रधानमन्त्रीले बालुटार बोलाएर छलफल गरेका थिए । प्रधानमन्त्रीले राष्ट्रपति आउने कार्यक्रममा अवरोध गर्दा नराम्रो प्रभाव पर्ने भन्दै सदनमा अवरोध नगर्न आग्रह गरेका थिए ।
सोहीअनुसार काँग्रेसले अवरोधलाई हटाएर नीति तथा कार्यक्रम प्रस्तुत गर्न दिने तयार भएको छ । यसलाई संसदीय दलको बैठकबाट निर्णय गर्न लागेको छ ।
काँग्रेस नेताहरुले नीति तथा कार्यक्रम प्रस्तुत भएपछि माग पूरा नभएसम्म अवरोध कायमै राख्ने बताएका छन् ।
प्रधानमन्त्रीले समग्र सहकारीको समस्या समाधानको लागि संसदीय समिति बनाउनमा आफू सकारात्मक भएको बताउँदै आएका छन् ।
