अनलाइन डबली
काठमाडौं । भारतका प्रधानन्यायाधीश डा. धनञ्जय यशवन्त चन्द्रचुडले काठमाडौं उच्चस्तरिय भेटवार्ता जारी राखेका छन् । चन्द्रचुड शुक्रबार नेपाल आइपुगेका थिए ।
प्रधानन्यायाधीश विश्वम्भरप्रसाद श्रेष्ठको निमन्त्रणमा नेपाल आएका चन्द्रचुडले काठमाडौंमा हुने किशोर न्यायसम्बन्धी राष्ट्रिय गोष्ठीमा सहभागी भइरहेका छन् ।
आजै साँझ नै उनले प्रधानन्यायाधीश विश्वम्भरप्रसाद श्रेष्ठसँग भेट्ने कार्यतालिका रहेको छ ।
भ्रमण दलमा उनकी पत्नी कल्पना दास, भारतको सर्वोच्च अदालतका रजिस्ट्रार राकेश कुमार र कोर्ट मास्टर चेतन अरोरा रहेका छन् ।
चन्द्रचुड आइतबार स्वदेश फिर्ता हुनेछन् ।
