अनलाइन डबली
काठमाडौं । आज पनि नेपाल र वेस्टइन्डिज ए बीच खेल खेल्दैछ । हिजोबाट सुरु भएको टी-२० सिरिज खेल आज दिउँसो १२ : १५ मा त्रिवि क्रिकेट मैदान कीर्तिपुरमै सुरु हुनेछ ।
हिजो भएको पहिलो खेलमा नेपालले वेस्टइन्डिजलाई ४ विकेटले हराउँदै शानदार जित हात पारेको थियो ।
२०५ रनको लक्ष्य नेपालले १९.४ ओभरमा ६ विकेट गुमाउँदै पूरा गरेको थियो । कप्तान रोहित पौडेलले ५४ बलमा १० चौका र ६ छक्कासहित ११२ रन बनाएका थिए ।
पहिलो खेलको प्रदर्शनले टोलीको मनोबल उच्च छ । यही उच्च मनोबलसहित नेपाली टोलीले आज पनि जित हात पार्ने दाबी गरेको छ ।
हिजो भएको खेलमा बलिङमा अभिनाश बोहराले लगातार योर्कर फाल्दै राम्रो प्रभाव छाडेका थिए ।
पहिलो खेलमा ३ ओभरमा ५३ रन खर्चेका कमलसिंह ऐरीलाई आज पनि नेपालले मौका दिनसक्छ ।
तेस्रो खेल बुधबार, चौथो खेल बिहीबार र पाँचौं खेल शनिबार हुनेछ ।
