अनलाइन डबली
काठमाडौं । रुसी सेनाले युक्रेनको राजधानीमा फेरि हमला तेज बनाएको छ । पछिल्लो हमला युक्रेनको राजधानीमा रहेको ठूलो मध्येको एक पावर प्लान्टमा ध्वस्त भएको छ ।
राजधानी किभको ट्रिपिलिस्का पावर प्लान्टमा रुसले मिसाइल आक्रमण गरेर ध्वस्त बनाइदिएको हो । आक्रमणबाट पावर प्लान्टमा आगो लागेको र बिजुली उत्पादन बन्द भएको अन्तर्राष्ट्रिय संचारमाध्यमहरुले बताएका छन् ।
युक्रेनको राजधानीबाट करिब ४५ किलोमिटर दक्षिणमा रहेको ट्रिपिलिस्का पावर प्लान्ट बिजुली संयन्त्रको एक महत्वपूर्ण हिस्सा थियो । यसबाट युक्रेनलाई ठूलो झड्का लागेको बताइएको छ ।
युक्रेनको कूल बिजुली उत्पादनमा १० प्रतिशत हिस्सा ओगट्ने यो प्लान्टबाट उत्पादित बिजुली कियभसहित तीन प्रदेशमा आपूर्ति हुने गर्दछ । प्लान्ट ध्वस्त भएसँगै राजधानी किभसहित धेरै क्षेत्रमा विजुली आपूर्ती बन्द भएको छ ।
