चैत २७ , काठमाडौँ । राष्ट्रिय प्रजातन्त्र पार्टी (राप्रपा)को प्रदर्शनमा झडप भएको छ । बिभिन्न स्थान हुदै नसकिएको र्याली भृकुटीमण्डपबाट प्रदर्शन सिंहदरबारतर्फ अगाडि बढ्ने क्रममा प्रहरी संग झडपका भएको हो । प्रहरीले पर्दशनकारीलाइ निषेधित क्षेत्रमा रोक्न पानीको फोहोरा हान्नुका साथै लाठी चार्जसमेत गरेको छ ।
राप्रपाले आजको प्रदर्शनलाई ‘अवस्था बदल्न व्यवस्था बदलौं’ भन्ने मुख्य नारा दिएर सरकारसमक्ष पेश गरेको ४० बुँदे माग पूरा गराउन दबाब दिने उद्देश्यले मङ्गलबार आज काठमाडौं केन्द्रित जनप्रदर्शनको आयोजना गरेको जनाएको छ । राप्रपाले गणतन्त्र खारेज गर्नुपर्ने, राजासहितको शासन व्यवस्था हुनुपर्ने, धर्मनिरपेक्षता खारेज गरी नेपाललाई हिन्दू राष्ट्र घोषणा गर्नुपर्नेलगायतका माग राख्दै आएको छ ।