अनलाइन डबली
सुर्खेत । नेपाली कांग्रेस कर्णाली प्रदेश संसदीय दलका नेता जीवनबहादुर शाहीमाथि ठूलो भ्रष्टाचार मुद्दा लागेको छ ।
अख्तियार दुरुपयोग अनुसन्धान आयोगले वाइडवडी खरिदमा १ अर्ब ४७ करोड रुपैयाँ भ्रष्टचार भएको दाबी गर्दै अदालतमा मुद्दा पेश गरेको छ ।
शाही पर्यटनमन्त्री हुँदा दुई वटा वाइडवडी विमान खरिदमा भ्रष्टचार गरेको अख्तियारको दाबी छ ।
अख्तियारले शाहीसहित ३२ जनाविरुद्ध हदैसम्मको कारवाहीको माग गर्दै विहीबार मुद्दा दायर गरेको हो ।
योसँगै शाहीको सांसद पद स्वतः निलम्वन भएको छ । भ्रष्टचार निवारण ऐन, २०५८ अख्तियार दुरुपयोग अनुसन्धान आयोग, २०४८ मा भएको व्यवस्था अनुसार सार्वजनिक पदमा भएको व्यक्तिविरुद्ध मुद्दा दर्ता भएमा स्वतः निलम्बन पर्ने व्यवस्था छ ।
४ मंसिर २०७९ मा भएको निर्वाचनमा शाही हुम्ला प्रदेश सभा ९२० बाट निर्वाचित भएका थिए । २०७४ सालमा कर्णालीमा कांग्रेसबाट प्रदेश सभामा प्रत्यक्षतर्फ निर्वाचित हुने शाही एक्ला उम्मेदवार थिए । तत्कालीन नेकपा पार्टी विभाजित भएपछि शाही गठबन्धनबाट कर्णालीको मुख्यमन्त्री बनेका थिए ।
