अनलाइन डबली
काठमाडौँ । पोखरा महानगरपालिका २७ अर्चलेमा बस दुर्घटना हुँदा दुई जना घाइते भएका छन् । बसमा यात्रु नभएका कारण ठूलो क्षति मानवीय क्षति नभएको कास्की प्रहरीले जनाएको छ ।
ग १ ख ८६८० नम्बरको बस शनिबार बिहान यात्रुलाई गनतव्यमा छोडेर लेखनाथतिर फर्किँदै गर्दा दुर्घटना भएको हो ।
कास्की प्रहरीका अनुसार दुर्घटनामा चालक टीकाराम विक र सहचालक शालिकराम सुवेदी घाइते भएका छन् । उनीहरुको पश्चिमाञ्चल क्षेत्रीय अस्पतालमा उपचार भइरहेको छ ।
बस दुर्घटना भएर बीच सडकमै ठडिएको छ । दुर्घटनापछि पल्टिने क्रममा ठाडो भएको प्रहरीले बताएको छ ।
