काठमाडौं । होली खेलेर नुहाउन सुनकोसी नदीमा पसेका ३ जना बालबालिका अझै बेपत्ता छन् ।

आइतबार दिउँसो उदयपुरको त्रियुगा नगरपालिका– १४ धाप्लाङघाटस्थित सुनकोसी नदीमा पौडी खेल्ने क्रममा उनीहरु बेपत्ता भएका हुन् ।

बालबालिका नदीमा बेपत्ता भएको खबर पाएलगत्तै स्थानीयले खोजी कार्य सुरु गरेका थिए । तर, राति अबेरसम्म पनि नभेटिएपछि सोमबार विहानैबाट सशस्त्र प्रहरी बलको गोताखोर टीम परिचालन गरिएको छ ।

उदयपुर प्रहरीका अनुसार होली खेलेर पौडी खेल्न गएका रुद्रबहादुर मगरकी छोरी १२ वर्षीया रेखा मगर, केदार मगरको ९ वर्षीय छोरा रिदम मगर र मेहरमान मगरको १२ वर्षीय छोरा लोकबहादुर बेपत्ता भएका थिए ।