काठमाडौं । अछाममा ट्याक्टर दुर्घटना भएको छ । षोडसाबाट साँफेबजर जाँदै गरेको ट्याक्टर सोमबार विहान दुर्घटना हुँदा ४ जनाको मृत्यु भएको प्रहरीले बताएको छ ।

अछाम प्रहरीका अनुसार सोमबार बिहान मेल्लेख गाउँपलिका— ७ सुयेडीमा भएको दुर्घटनामा अन्य ३ जना घाइते भएका छन् ।

घाइतेको उपचारका लागि अछामकै बयलपाटा अस्पताल पठाइएको प्रहरीले बताएको छ ।

साँफेबगर जाने क्रममा ट्याक्टर सुयेडी नजिकै सडकबाट ५० मिटर तल खसेको थियो ।