अनलाइन डबली
काठमाडौं । सरकारले सुन तस्करी सम्बन्धी जाँचबुझ आयोगको प्रतिवेदन कार्यान्वयन गर्ने निर्णय गरेको छ । शुक्रबार बसेको मन्त्रिपरिषद् बैठकले आयोगको प्रतिवेदन कार्यान्वयन गर्ने निर्णय गरेको हो ।
यसअघि सरकारले पूर्वन्यायाधीश डिल्लीराज आचार्य नेतृत्वको आयोग गठन गरेको थियो ।
यसैबीच सुन तस्करीसँग जोडिएका पूर्वउपराष्ट्रपति नन्दकिशोर पुनका छोरा दीपेश पुन पक्राउ परेका छन् ।
प्रहरी प्रधान कार्यालयबाट खटिएको विशेष टोलीले उनलाई शुक्रबार राजधानीको टोखाबाट पक्राउ गरेको हो ।
प्रहरी प्रधान कार्यालय उच्च स्रोतले सुन तस्करी प्रकरणमा मुछिएका पुनलाई नियन्त्रणमा लिएको पुष्टि गर्दै थप अनुसन्धान भइरहेको जनायो ।
सरकारको आजको निर्णयलाई प्रचण्ड निर्णयको रुपमा हेरिएको छ । आफ्नो पार्टीका नेतालाई बचाउन खोजेको आरोप लागिरहेको बेला प्रधानमन्त्री प्रचण्डले मन्त्रिपरिषद् बैठकमा आयोगको प्रतिवेदन कार्यान्वयन गर्ने प्रस्ताव गरेका छन् ।
