काठमाडौँ । करेन्ट लागेर कालिकोटमा एक शिक्षकसहित दुई जनाको ज्यान गएको छ । नरहरिनाथ गाउँपालिका–८ लालु कालढुंगा निवासी ४३ बर्षीय केशव थापा र २५ बर्षीय गंग थापाको निधन भएको हो ।

शनिबार विहान ८ः३० बजे विद्युतको पोल सार्ने क्रममा करेन्ट लागेको स्थानीयले बताएका छन् । विद्युतको मुख्य लाइनलाई उक्त पोलमा छुन पुग्दा करेन्ट लागेको थियो ।

दुबै जनाको घटनास्थलमै ज्यान गएको कालिकोट प्रहरीले जनाएको छ ।

केशव थापा खिरचौकास्थित मंगलाशैनी मा.वि.का शिक्षक हुन् ।