अनलाइन डबली
काठमाडौँ । देशभरबाट हिडेर काठमाडौँ पुगेका लघुवित्त तथा सहकारी पीडितहरु संसद भवन भित्रै पसेका छन् । संसद चलिरहेको बेला आन्दोनकारीहरु निषेधित क्षेत्र तोडेर सोमबार संसद् भवनको मुख्य ढोकासम्म पुगेका हुन् ।
नयाँ बानेश्वरस्थित संघीय संसद् भवनमा नाराबाजीसहित गेटका सुरक्षाकर्मीलाई धकेल्दै पीडितहरु संसद् भवनको परिसर प्रवेश गरेका थिए ।
लघुवित्तका ऋणीहरू संसद् भवनभित्र जबरजस्ती परिसरमा पुगेर नाराबाजी गरेका हुन् । पीडितहरुले प्रधानमन्त्री निवास बालुवाटार अगाडि पनि प्रदर्शन गरेका थिए ।
संसद भवनभित्र प्रवेश गरेका पीडितहरुलाई प्रहरीले पक्राउ गरेको छ । प्रहरीले ५० जना जति आन्दोलनकारीहरुलाई पक्राउ गरेर बाहिर निकालेको छ ।
