अनलाइन डबली
काठमाडौं । आहा रारा पोखरा गोल्डकप फुटबल प्रतियोगिताको उपाधि त्रिभुवन आर्मी क्लब हात पारेको छ । शनिबार सकिएको २३ औँ संस्करणको च्याम्पियन बन्न आर्मी क्लबले थ्री स्टार क्लबलाई ३–० ले पराजित गरेको थियो ।
यसअघि पकड जमाउँदै आएको थ्री स्टार २३ औं संस्करमा भने स्तब्ध भयाे । योसँगै आर्मी आहा राराको पहिलो उपाधि जितेको हो । खेलमा २१ बर्षबाट सहभागी हुँदै आएको आर्मी क्लबले उपाधिको लागि यतिका बर्ष कुर्नु परेको थियो ।
आर्मीको जितमा जिलेस्पी जङ्ग कार्की, फत्तेमान घले र वसन्त जिम्वाले एक–एक गोल गरे । जिलेस्पीले खेलको ३८औँ मिनेटमा गोल गर्दै आर्मीलाई पहिलो अग्रता दिलाएका थिए । पहिलो हाफमा १–० ले अग्रता लिएको आर्मी दोस्रो हाफको अन्त्यतिर थप दुई गोल गरेको थियो । आर्मीका फत्तेमान घलेले खेलको ८३औँ मिनेटमा गोल गर्दै अग्रता दोब्बर बनाए । आर्मीका लागि अन्तिम समयमा वसन्त जिम्वाले तेस्रो गोल गरेका थिए ।
२०६० साल आर्मी क्लब आहा रारामा पहिलो पटक सहभागी भएको थियो । त्यसपछि लगातार उपाधिको संघर्ष गरिरहेको थियो ।
थ्री स्टारलाई दुई पटक उपाधि जिताका आर्मीका प्रशिक्षक मेघराज केसी खेलाडीकै मिहेनतले आर्मीले २१ वर्षपछि उपाधि जित्न सफल भएको बताए । उनले आहा राराको उपाधि जित्नु गर्वको विषय भएको बताए ।
