अनलाइन डबली
काठमाडौं । ताइवानको नवनिर्वाचित राष्ट्रपतिमा विलियम लाईले आफूले चीनबाट स्वतन्त्रता नखोज्ने बताएका छन् । उनले आफू चीनसँग अवरोध वा द्वन्द्व भन्दा बढी संवाद र आदानप्रदान चाहेको बताएका छन् ।
जितपछिको पहिलो सम्बोधनमा लाईले ताइवानलाई यथास्थितिको अवस्थालाई कायम राख्ने उल्लेख गर्दै सम्भावित खतराबाट आफ्नो देशको रक्षा गर्ने समेत वाचा गरेका छन् ।
अमेरिकी पक्षधर डेमोक्रेटिक प्रोग्रेसिभ पार्टी (डीपीपी) का नेता लाईले आफ्नो जितलाई लोकतन्त्रको जित भएको समेत बताए । डीपीपीले तेस्रो पटक राष्ट्रपति जितेको हो ।
जितपछिको पत्रकार सम्मेलनमा बोल्दै लाईले भने, “देशले सही मार्गमा अघि बढ्ने कामलाई निरन्तरता दिनेछ। हामी यता उ ता फर्कँदैनौँ वा पछाडि फर्किँदैनौँ ।” ताइपेईमा समर्थकहरूलाई सम्बोधन गर्दै उनले जितलाई लोकतन्त्रको विजयका रूपमा चित्रण गरेका थिए।
उता चीनले भने लाईको जितलाई स्वीकार गरेको छैन । उनले बाह्य हस्तक्षेपका कारण ताइवानका नागरिकले स्वतन्त्ररुपमा मतदान गर्न नपाएको प्रतिक्रिया दिएको छ ।
उता अमेरिकाले भने लाई बधाई दिएको छ । अमेरिकी विदेशमन्त्री एन्टोनी ब्लिङ्कनको विज्ञप्ति जारी गरेर बधाई दिएका थिए।
चीनले अमेरिकाको बधाईप्रति आपत्ति जनाएको छ । ताइवानसँग अनौपचारिक सम्बन्ध मात्रै कायम राख्ने प्रतिबद्धताको अमेरिकाले उल्लङ्घन गरेको चीनले चेतावनी दिएको छ ।
