काठमाडौँ । उपप्रधान तथा गृहमन्त्री नारायणकाजी श्रेष्ठ मुटुको अर्को धमनीमा अवरोध देखिएपछि शहीद गङ्गालाल राष्ट्रिय हृदय केन्द्र, बाँसबारीमा भर्ना भएका छन् ।

गृहमन्त्रालका प्रवक्ता नारायण प्रसाद भट्टराईले विज्ञप्ति जारी गरेर मन्त्री श्रेष्ठको मुटुको अर्कोपट्टी धमनीको पनि डा. अरुण मास्केसहितको चिकित्सक टोलीले एन्जियोप्लास्टी सर्जरी गरेको जानकारी दिएका छन् ।

गृहमन्त्री श्रेष्ठको सघन उपचार कक्षमै रहेपनि स्वास्थ्य अवस्था स्थिर रहेको प्रवक्ता भट्टराईले बताएका छन् ।

चीनको भ्रमणमा रहेको बेला गत असोज ३० देखि कार्तिक १ सम्ममा मुटुमा एक्युट मायोकार्डियल इन्फेक्सन भएपछि आकस्मिक कोरोनरी एन्जियोग्राफी गर्दा ओब्टस मार्जिनल शाखामा अवरोध देखिएको थियो ।

स्वास्थ्य केही असहज भएपछि श्रेष्ठ मंगलबार साँझ अस्तपाल भर्ना भएका थिए ।