काठमाडौँ । अस्थायी युद्धविरामको अवधि सकिएसागै हमास र इजरायबीच फेरि युद्ध सुरु भएको छ । युद्धविराममा पनि फाटफुट सैन्य कारवाहीलाई जारी राखेको इजरायलले गाजामा मानिसहरुले आश्रय लिइरहेको स्थानमा आक्रमण गरेको छ ।

अन्तर्राष्ट्रिय संचारमाध्यमहरुका अनुसार मध्य गाजाको अल–मगाजी क्षेत्रमा भएको हमलामा परी कम्तीमा नौ जनाको मृत्यु भएको छ । इजरायलले खान युनिसका बासिन्दालाई यस क्षेत्रमा अपेक्षित आक्रमण हुनुअघि नै छोड्न आग्रह गरिरहेको थियो ।

नोभेम्बर २४ मा शुरू भएको र दुई पटक विस्तार गरिएको सात दिनको युद्धविरामका क्रममा दुवै तर्फबाट केही बन्दी र कैदी रिहा भएका थिए ।

गत शुक्रबार हमास र इजरायलबीच युद्धविराम सम्झौताको घोषणा भएको थियो ।