अनलाइन डबली
काठमाडौं । नेकपा (माओवादी केन्द्र) का उपमहासचिव जनार्दन शर्मा ‘प्रभाकर’ ले यो तिहारमा भाइटीका नलाउने भएका छन् । भूकम्प पीडितको राहत र पुनःस्थापनामा रातदिन खटिएका प्रभाकरले सामाजिक संजालमार्फत यो तिहारमा भाइटीका नलाउने बताएका छन् ।
जाजरकोटको रामीडाँडा केन्द्र बनाएर गएको भूकम्पले रुकुम पश्चिम, जाजारकोटलगायतका जिल्लामा ठूलो जनधनको क्षति पुर्याएको दुःखद् अवस्थामा आफूले भाइटीका नलाउने प्रभाकरले बताएका हुन् ।
‘मिति २०८०/०७/१७ गतेको विनाशकारी भुकम्प बाट मुत्यु हुने, घाइते हुने र सम्पत्ति क्षति भै पर्न गएको यस दुःखको घडीमा यस पटकको भाइटीका नलगाउने निर्णय गरेको छु’ प्रभाकरले सामाजिक संजालमा लेखेका छन् ।
माओवादी केन्द्रका संगठन विभाग प्रमुख समेत रहेका प्रभाकर रातदिन पीडितसँगै राहत र पुनःस्थापनामा जुटिरहेका छन् ।
फोटोहरुः
