अनलाइन डबली
सुर्खेत । गैरआवासीय नेपाली संघ (एनआरएनए)का संरक्षक डा. शेष घलेको नेतृत्वमा गएको राहत सामाग्री पीडितले पाएका छन् । ग्लोबल एनआरए फाउण्डेसन र एमआईटी ग्रुप फाउन्डेसनको संयुक्त टोली भूकम्प प्रभावित जाजरकोट र रुकुम पश्चिम पुगेर पीडितलाई राहत सामाग्री बाडेको छ ।
टोली रहेका एनआरएनए अभियान्ता दिपेश खत्रिका अनुसार डा. घले आफै जाजरकोट र रुकुम पश्चिम पुगेर पीडितसँग साक्षात्कार गरेका छन् । रुकुम पश्चिमका आठबीसकोट नगरपालिकाको वडा नं. १३ का पीडितलाई पुग्ने राहत सामाग्री बाँडेको खत्रिले जानकारी दिए ।
त्यसैगरी जाजरकोटको रावत गाउँमा पनि घले आफै पुगेका छन् । अहिले भूकम्प पीडितसँग अन्तरक्रिया भइरहेको छ ।
एमआईटी फाउण्डेसनका संस्थापक समेत रहेका डा. घलेले दीर्घकालिन रुपमा अनुभूत हुनेगरी सहयोग गर्न खोजेको र त्यसको लागि पीडितसँग अन्तरक्रियामै रहेका छन् ।
“संघका संरक्षक डा. शेष घलेज्यूले दीर्घकालिन रुपमा अनभूती हुनेगरी सहयोग गर्न खोजिरहनुभएको छ । त्यसको लागि अहिले पनि उहाँ पीडितसँग छलफलमै हुनुहुन्छ” खत्रिले बताए ।
संघले बढी प्रभावित बस्तीमा पुग्नेगरी राहत सामाग्री वितरण गर्ने नीति लिएको छ । सस्तो प्रचारको लागि धेरै बस्तीमा नपुग्ने र गएको ठाउँका पीडितलाई अनुभूति हुनेगरी सहयोग गरेको खत्रिले बताए ।
खाद्यन्नसँगै त्रिपाल, न्यानो कपडासहितको राहत सामाग्री पाउँदा पीडितहरुले डा. घलेसहितको एनआरएनएको टोलीलाई धन्यवाद समेत दिएका छन् ।
डा. घलेसँगै संघका सल्लाहकारहरु एसि शेर्पा तथा श्याम तामाङ्ग र एमआइटी ग्रुप फाउण्डेशनका संचालक सुरेश चित्रकारसहितको टोलीले प्रभावित क्षेत्रको स्थलगत अध्ययन, पीडित तथा जनप्रतिनिधिहरुसँग पनि छलफल गरिरहेको छ ।
यसअघि संघका अध्यक्ष विनोद कुँवरको अध्यक्षतामा बसेको अर्चुअल बैठकले संरक्षक घलेको नेतृत्वमा प्रभावित क्षेत्रमा जाने निर्णय गरेको थियो । बैठकमै एक करोडभन्दा बढी सहयोग रकम जुटेको थियो । त्यस्तै, एनसीसी र व्यक्तिगत रुपमा सहयोग गर्ने क्रम जारी रहेको संघका अध्यक्ष कुँवरले जानकारी दिए ।
फोटोहरुः
