अनलाइन डबली
काठमाडौं । गएराति गएको शक्तिशाली भूकम्पमा परी नलगाढ नगरपालिकाकी उपप्रमुख सरिता सिंहको मृत्यु भएको छ । जिल्ला प्रहरी कार्यालयका डीएसपी सन्तोष रोकाका अनुसार सदरमुकाम खलंगामा सिंह बसेको घर भत्किँदा सरिताको मृत्यु भएको हो ।
गत स्थानीय चुनावमा नेपाली काँग्रेसको तर्फबाट उम्मेदवार भएको सरिता निर्वाचित भएकी थिइन् ।
जनशैली भएको उपप्रमुख सिंहले जनतासँगै हातेमालो गर्दै आइरहेकी थिइन् । उनी आफूले चुनावमा गरेका प्रतिवद्धता पूरा गर्न जनतासँग थिइन् । तर, जनतासँग गरेका वाचा पूरा नहुँदै भूकम्पमा परेकी हुन् ।
भूकम्पले अहिलेसम्म जाजारकोटमा सिंहसहित ९२ जनाको मृत्यु भइसकेको छ । अझैं गम्भीर घाइतेको मृत्यु हुन सक्ने बताइएको छ । अहिलेसम्म ५५ जनाको उपचार भइरहेको छ ।
त्यसैगरी भूकम्पले रुकुम पश्चिममा पनि ठूलो जनधनको क्षति भएको छ । अहिलेसम्म रुकुम पश्रिममा ३६ जनाको मृत्यु भएको छ भने ८५ जना घाइते भएका छन् ।
शुक्रबार मध्यराति ११ः४७ बजे ६.४ रेक्टरस्केलको भूकम्प गएको थियो ।
