अनलाइन डबली
काठमाडौं । संयुक्त राष्ट्रसंघका महासचिव एन्टोनियो गुटेरेस चार दिने नेपाल भ्रमणका क्रममा आइतबार नेपाल आउने भएका छन् ।
महासचिव गुटेरेसले प्रधानमन्त्री प्रचण्डको निमन्त्रणमा नेपाल भ्रमणमा आउन लागेका हुन् ।
नेपाल भ्रमणका क्रममा उनले राष्ट्रपति रामचन्द्र पौडेल, प्रधानमन्त्री पुष्पकमल दाहाल प्रचण्डलगायतसँग भेटवार्ता गर्नेछन् ।
त्यस्तै महासचिव गुटेरसले १४ गते संघीय संसदलाईसमेत सम्बोधन गर्ने कार्यक्रम छ ।
चारदिने नेपाल बसाइको क्रममा उनले जलवायु परिर्वतनले नेपालको हिमाली क्षेत्रमा परेको असर प्रत्यक्ष अवलोकन गर्नुका साथै लुम्बनी र पोखराको भ्रमण गर्ने कार्यसूची रहेको परराष्ट्र मन्त्रालयले जनाएको छ ।
