काठमाडौं । एसीसी यू १९ प्रिमियर कपको उपाधिको लागि नेपालले यूएईलाई २८१ रनको चुनौती दिएको छ । मलेसियामा जारी खेलमा बायोमास ओभलमा टस जितेर पहिले ब्याटिङ रोजेको नेपालले निर्धारित ५० ओभरमा ८ विकेट गुमाउँदै २ सय ८० रन बनाएको हो ।

नेपालका लागि कप्तान देव खनालले शतक प्रहार गरे । ९२ बल खेलेका खनाल एक सय रन बनाएर आउट भए । उत्तम मगरले ५७, ओपनर अर्जुन कुमालले ५५, दीपक डुम्रेले २८ रन र दीपेश कंडेलले १० रनको योगदान दिए ।

दीपक बोहरा ५, विशालविक्रम केसी ३, हेमन्त धामी ७ रनमा आउट भए । १४ रनमा २ विकेट गुमाएको नेपालको इनिङ कप्तान खनाल र ओपनर कुमालले सम्हालेका थिए । यूएईका लागि हरिट सेट्टीले सर्वाधिक ५ विकेट लिए ।