काठमाडौं । बडादशैँ अन्र्तगत आज विजया दशमी । दशैंको आज मुख्य दिनको रुपमा मनाएर बिदाई गरिन्छ ।

नेपाल पञ्चाङ्ग निर्णायक विकास समितिले आज बिहान ११ः०२ बजेको साइत उत्तम रहेको जनाएको छ । टीका प्रसाद ग्रहण गर्न साइत खोज्नेका लागि सो साइत उत्तम भएपनि विजयादशमी आफैँमा शुभ दिन भएकाले आज टीका लगाउन सामान्य मानिसले साइत खोज्नु नपर्ने मान्यतासमेत रहेको छ ।

दुर्गापक्षको मुख्य दिन आज नवदुर्गाको प्रसादका रूपमा आज मान्यजनको हातबाट शुभ साइतको प्रतीक रातो टीका एवं समृद्धिको प्रतीक जमरा लगाइँदै छ ।

घटस्थापनाका दिन स्थापना गरिएको घडाबाट वैदिक विधिपूर्वक अभिषेक गरी विजयादशमीको टीका लगाइन्छ । आश्विन शुक्ल दशमीका दिनमा मनाइने विजयादशमी पर्व आज हर्षोल्लासका साथ मान्यजनबाट दुर्गा भवानीको प्रसादस्वरूप टीका, जमरा थापेर मनाइन्छ । आज नभ्याउनेले कोजाग्रत पूर्णिमासम्म मान्यजनबाट टीका ग्रहण गर्न सक्नेछन् ।

त्यसअघि दुर्गा बिसर्जनका लागि समितिले १० बजेट ३७ मिनेटको साइत तोकेको छ । योसँगै दशैं पनि सकिनेछ ।