अनलाइन डबलीकाठमाडौं । नेपाल सरकारले गाजा क्षेत्रमा इजरायले गरेको अमानवीय हमलाबारे मुख खोलेको छ । इजारायल र प्यालेस्टाइनबीचको विवाद वार्ताको माध्यबाट समाधान गर्नुपर्ने बताउँदै आएको नेपालले भने गाजाको एक अस्पतालमा गरेको हमलाको निन्दा र भत्सर्ना गरेको छ ।
अस्पतालमा उपचार गराइरहेका घाइते तथा बिरामी र चिकित्सकको ज्यान गरी भएको हमलाको सरकार निन्दा गरेको हो ।
बुधबार परराष्ट्र मन्त्रालयले विज्ञप्ति जारी गरेर घटनाको निन्दा गर्दै घाइतेको स्वस्थ्य लाभको कामना गरेको छ ।
“गाजाको एक अस्पतालमा निर्दोष नागरिकको हत्या भएको घटनामा नेपाल सरकार स्तब्ध भएको छ । अस्पताल, स्वास्थ्यकर्मी, बिरामी र सर्वसाधारणमाथि भएको यस आक्रमणको हामी निन्दा गर्दछौं । साथै, शोकसन्तप्त परिवारजनमा हार्दिक समवेदना र घाइतेहरूको शीघ्र स्वास्थ्य लाभको कामना गर्दछौं” परराष्ट्र मन्त्रालयद्वारा जारी विज्ञप्तिमा उल्लेख छ ।
नेपालले जस्तोसुकै परिस्थितिमा भए पनि नागरिकको सुरक्षा गर्न आह्वान गरेको छ । नेपाल शान्तिमा विश्वास गर्ने भन्दै जारी विवादको शान्तिपूर्ण र वार्ताबाट समाधान गर्न पनि आग्रह गरेको छ ।
