काठमाडौँ ।  नेपाल वायु सेवा निगमको सम्पूर्ण जहाज  संचालनमा रहेको निगमले जनाएको छ ।  निगमले आज एक प्रेस बिज्ञप्ति जारि गर्दै  गत केही दिन देखि निगमका जहाजहरुमा प्राविधिक समस्या आएका कारण जहाज अल्पकालीन ग्राउण्डेड भई उडानहरु प्रभावित भएको हुँदा नियमानुसार आवश्यक मर्मत पश्चात नेपालीहरुको महान चाड बडादशैं, शुभ दिपावली तथा छठ पर्व नजिकिदै गर्दा २९ गते देखि  नै सबै जहाजहरु नियमित उडानमा रहेका जानकारी दिइएको हो  ।
अल्पकालीन प्राविधिक समस्याको कारण उडान प्रभावित भई यात्रुवर्गमा पर्न गएको असुविधा प्रति क्षमायाचना गर्दै आगामी दिनमा यस्ता समस्या न्यूनिकरण गर्न उचित व्यवस्थापन गर्दै लैजान प्रतिवद्ध रहेको निगमको भनाइ छ ।
साथै,कार्यकारी अध्यक्ष युबराज अधिकारीले यस्ता समस्याहरु दोहोरिन नदिने गरि काम गर्न सम्बन्धित प्राविधिक विभागहरुलाई कडा निर्देशन दिदै उक्त जहाज ग्राउण्डेड हुनुका कारणहरुबारे स्पष्ट पार्न र कतै कसैको कमि कमजोरी भएमा कडा कार्वाही गर्न निर्देशन दिनु भएको छ  ।

रमेश पौडेल
(प्रवक्ता)